蔡一智與太太盛裝慶祝「水晶婚」 15年前結婚撮合另一段良緣

現年56歲嘅蔡一智同細佢9歲嘅太太周雪芳於2006年結婚，眨眼2人已婚15年！阿智噚日就隆重其事舉行宴會，同太太慶祝結婚周年紀念，盛裝迎「水晶婚」，阿智以白色西裝襯黑褲，與太太一身黑裝打扮襯到絕。蔡太仲大騷佢嘅弗爆腹肌，47歲勁fit呀！

同場加映：【娛樂直擊】Anson Lo做唱跳歌手曾不被看好 舞蹈員出身將心比己恩待手足

{{hket:ul-video id="4284"}}{{/hket:ul-video}}

{{hket:inline-image name="244188876_256310236411960_8789951957100034116_n.jpg"}}{{/hket:inline-image}}

除咗蔡一智伉儷，仔女亦悉心作出型爆打扮，蔡一智25歲繼女拍埋媽媽身邊，溫馨合照，15歲二女蔡斐嵐一身型格晚裝及打扮充滿時尚感；而9歲細仔「細官」着晒「老西」非常隆重，兩名子女都同蔡一智餅印咁，基因超強大呀！蔡太在IG sweet爆留言：「Amazing Crystal Anniversary（奇妙的水晶婚紀念日），激情永在，永浴愛河。」

蔡一智好友關心妍（Jade）夫婦亦有出席宴會，原來Jade嘅一家同蔡家好有淵源，事關佢個好老公就係喺當時為周雪芳擔任伴娘時認識，Jade在IG留言：「每年都要感謝你哋一次，因為15年前嘅今日你哋結婚，我就搵到我嘅the one @yangjonas（老公楊長智），仲有我哋最錫嘅契仔契女，好型好cute同好索。」事隔多年，Jade同老公已經生咗個5歲囡囡，組織起幸福家庭，而楊長智都有出post，上載當年老婆以及同一對新人嘅合照，有愛情嘅滋潤真係可以幫人防腐？楊長智留言感謝蔡一智夫妻嘅「撮合」：「每年都講一次：多謝蔡生蔡太，冇你哋就冇我哋！」